WES-KAAP. – Velia Strydom (39) se liggaam is op 12 Desember 2025 in bosse naby ‘n grondpad, by Red Bridge, in Knysna gevind. Die Knysna-polisie het ’n moorddossier geopen en ‘n 40-jarige man in hegtenis geneem.
Luidens ‘n verklaring van polisiewoordvoerder AO Christopher Spies het die verdagte Maandag in die Knysna-landdroshof voorgekom. Die saak is vir ‘n formele borgtongaansoek tot 14 Januarie uitgestel, terwyl die verdagte in aanhouding bly.
’n Lykskouing om die oorsaak van dood vas te stel, is reeds gedoen. Die verslag vorm deel van die voortgesette moordondersoek. Spies sê voorts verdere aanklagte kan moontlik bygevoeg word.
‘n Petisie is geloods om te voorkom dat die verdagte Maandag borg kry.
