KWAZULU-NATAL. – ‘n Man (36) is in kritieke toestand nadat hy verlede Vrydag deur ‘n giftige Chinese Rooikop-honderdpoot gebyt is.
Lees ook:Nog leerlinge in Nigerië ontvoer
Reaksie-eenheid-lede is Donderdag vir hulp geskakel. Paramedici is ‘n bytmerk op die man se duim gewys.
Die man het verduidelik hy het op sy bed gelê en het die honderdpoot naby sy een maand oue baba gesien. Hy het die honderdpoot gegryp en in ‘n plastieksak gesit om dit buitentoe te neem toe dit hom deur die sak gebyt het.
Hy is na ‘n hospitaal geneem nadat hy naar en duiselig geraak het en gesien het sy kop swel. Hy is ‘n inspuiting en medikasie gegee en toe ontslaan.
By die huis gekom, het hy besef sy kop was nog steeds geswel. ‘n Plaaslike dokter wat hy besoek het, het onmiddellike hospitalisasie versoek.
Hy is Maandag na die Mahatma Gandhi Memorial-hospitaal in pyn, maar het geen behandeling ontvang nie.
Bron: RUSA
Lees ook:Nog leerlinge in Nigerië ontvoer
