WES-KAAP. – Ian Wares het hom Woensdag by die Simonstad-landdroshof oorgegee, waar hy in hegtenis geneem is en in die hof verskyn het op 90 nuwe aanklagte van die 1960’s en 1970’s in Skotland.
Eric Ntabazalila, NVG-woordvoerder, sê die aanklagte sluit 60 aanklagte van seksuele aanranding, vier van verkragting, 25 van aanranding en een van crimen injuria in. Die beweerde misdade is glo gedurende die 1960’s en 1970’s in Edinburg, Skotland, teen tienerseuns gepleeg. Die saak is tot 20 November uitgestel sodat Wares ‘n regsverteenwoordiger kan aanstel en om die uitleweringsaak te hanteer.
Redaksionele kennisgewing oor foto’s:
Foto’s van Ian Wares is onder outeursreg van Jamie Pyatt News Ltd. Foto’s mag nie buite Suid-Afrika bemark of versprei word nie. Vir enige versoeke van buite Suid-Afrika, kontak asseblief jamiepyatt@hotmail.com.
