VK. – ’n Motorfietsryer van Indië wat besig was met ’n reis rondom die wêreld se motorfiets is in die VK gesteel.
Lees ook: Man wat Donald Trump glo op gholfbaan wou doodskiet gaan homself verteenwoordig
Yogesh Alekari het op 1 Mei met sy uitdaging begin om rondom die wêreld op sy motorfiets te reis en het meer as 17 lande in Asië en Europa besoek, voordat sy motorfiets in die VK gesteel is.
Hy het gesê sy motorfiets, asook die meeste van sy besittings, is gesteel toe hy Donderdag by Wollaton Park in Nottingham parkeer het.
Alekari het op sosiale media gesê hy wou volgende deur Afrika reis, maar dat hy nou gestrand is in die VK met net die klere aan sy lyf. Hy het sy volgelinge gevra om die video’s van die diefstal te deel sodat owerhede aksie kan neem. Alekari het gesê sy hoofdoel is om sy motorfiets en paspoort terug te kry sodat hy óf sy reis kan voltooi óf veilig by die huis kan kom.
Bronne: BBC, Hindustan Times, NDTV
Lees ook: Man wat Donald Trump glo op gholfbaan wou doodskiet gaan homself verteenwoordig
