Die Universiteit Stellenbosch (Maties) se vrouespan het Vrydag ’n moeilike middag beleef toe hulle oortuigend geklop is deur die Universiteit van die Wes-Kaap (UWC) se dames in ’n Varsitybeker-wedstryd.
Maties, die verdedigende kampioene en trotse houer van verlede jaar se titel, het gesukkel om enige ritme of momentum te vind. Reeds van die begin van die wedstryd, het UWC die tempo bepaal met skerp aanvallende spel en gedissiplineerde verdediging. Die Stellenbosch-span was geen ruimte gegee om hul spelpatroon te vestig nie.
Die telling van 77 – 0 het die storie vertel van ’n eensydige wedstryd waarin UWC se dames in alle fasette van die spel oorheers het – van besit en gebiedsvoordeel tot afronding. Maties het eenvoudig net geen antwoord gehad op die intensiteit en akkuraatheid van hul opponente nie.
Vir die Stellenbosch-vroue is dit ’n harde terugslag ná hul suksesvolle veldtog verlede seisoen, en dit sal ’n tyd van hergroepering verg om weer hul selfvertroue en vorm te herwin.
Aan die ander kant stuur hierdie oorwinning ’n sterk boodskap van UWC se kant af – hulle is ’n span om dop te hou in vanjaar se kompetisie.
Ander uitslae: UJ 24 vs UKZN 20 en UFH 12 vs TUKS 18
Sien ook: https://nuusflits.com/vroue-varsity-beker-2026-skop-af/
Foto: Johan Maree – aXnshots
Vir meer foto’s, klik hier. Foto’s deur aXnshots.
