OOS-KAAP. – Amna Caroles (18), ‘n gr. 12-leeerder van Hoërskool Union op Graaff-Reinet is deur haar pa, Timotiya Andrew Caroles (42) se aansoek vir die “Beauty and the Beast”-projek gehelp om ‘n droom van ‘n matriekafskeid te ervaar.
Op die Motor Industry Staff Association se Facebook-blad is Amna se plasing van hoe sy ‘n onvergeetlike matriekafskeid gekry het.
Timotiya Caroles, werksaam by Tyremart op Graaff-Reinet, is ‘n lid van die Motor Industry Staff Association (MISA). Caroles het deur die projek van die MISA-Woman’s Forum aansoek gedoen om sy dogter se matriekafskeid spesiaal te maak.
Amna het nie net ‘n droomrok gekry nie, maar ook ‘n fotograaf om spesiale oomblikke van haar afskeid te verewig.
Karen Gouws, nasionale sekretaresse van die Woman’s Forum, sê: “The aim is to help as many matric learners possible to experience this once in a lifetime opportunity that will be captured in their memories forever.”
Caroles het sy dankbaarheid vir die projek uitgepreek en sê hulle waardeer wat vir hulle gedoen is.
#MISA #MISALEADS#MISAFAMILY#MISACARES#MISAONTHEMOVE#PROUDLYMISA
