Die meisie wat deur ‘n medeleerling by die skool voor ‘n groep ander leerlinge geboelie is, het intussen persoonlike besoeke van die departement ontvang.
Die internet het behoorlik gegons oor ‘n video van hoe ‘n leerling ‘n ander leerling aan haar hare rondruk, haar slaan en skop en haar onderklere stukkend ruk terwyl leerlinge rondom hulle staan en kyk.
Die twee meisies is leerlinge aan die Hoërskool Mathole buite Ulundi.
Kwazi Mshengu, LUR van onderwys in KwaZulu-Natal, het gister in ‘n verklaring gesê die meisie is weer by die skool na die video Maandag aan die lig gekom het.
“Gerugte dat die slagoffer intussen oorlede is, is nie waar nie,” sê hy.
Die departement van onderwys het twee leerlinge wat by die insident betrokke was, geskors.
