GAUTENG. – ‘n Nederlandse burger, onderweg na Londen, is Sondagoggend op OR Tambo Internasionale lughawe in hegtenis geneem, glo met 60 kg khat in sy bagasie.
Brig. Athlenda Mathe, polisiewoordoerder, sê die polisie het ‘n slag geslaan toe beamptes die man voorgekeer het om sy bagasie te deursoek. Die khat was versteek in sy tasse gevind. Die inhegtenisneming kom kort nadat ’n Brasiliaanse burger op dieselfde lughawe met kokaïen ter waarde van sowat R8,7 miljoen gevang is.
Polisie sê die onlangse onderskeppings wys op verskerpte operasies en goeie samewerking tussen die SAPD, lughawe-veiligheidspersoneel, grensbestuur en doeane. Owerhede beklemtoon dat hierdie suksesse hul vasberadenheid toon om internasionale dwelmhandel en georganiseerde misdaad hok te slaan. Die verdagte sal na verwagting op aanklagte wat met dwelmhandel verband hou in die Kempton Park-landdroshof verskyn.
