CURITIBA, BRASILIЁ. – Ses mans en drie vrouens het Dinsdagoggend in ’n ontploffing by ’n plofstoffabriek in Curitiba, Brasilië omgekom. Sewe mense is in die ontploffing beseer en nege werkers is vermis, maar die staat Paraná se minister van sekuriteit het gesê daar is “geen hoop om oorlewendes te vind nie”.
Lees ook: Texas: Skoolbus slaan om op eerste skooldag
Die maatskappy aan wie die fabriek behoort, Enaex, het gesê dit ondersoek die oorsaak van die ontploffing.
Volgens die siviele polisie van Paraná het beeldmateriaal gewys die oorledenes het by die werk aangekom ná die skofverandering en was besig om voor te berei om as ‘n groep te bid toe die ontploffing plaasgevind het. Die polisie het gesê die beeldmateriaal wys niemand was besig om ploftoestelle te hanteer voor en tydens die ontploffing nie.
Bronne: BBC, Daily Mail, Business Ghana
