Die prys van elektrisiteit gaan op, maar verbruikers kan verlig wees die seisoenale tariefstelsel, die sogenaamde vierbloktariefstelsel, wat sou beteken tariewe sou hoër in die winter as die somer wees, gaan nie nou in werking gestel word nie.
Tumelo Mosikare, sekretaris van die Sol Plaatje-gemeenskapsforum, sê: “Raadslede van alle partye het met nuwe energie by die laaste raadsvergaardering saamgestem die munisipaliteit moet meer effektief gemaak word.”
Voorts sê hy: “Die raad het saam tot ’n besluit gekom oor die verhoging van die tarief vir elektrisiteit.”
Vanaf Julie gaan verbruikers R1.66 per eenheid vir elektrisieteit betaal. Na 350 kWh sal verbruikers R2.33 per eenheid moet betaal.
“Ons moet seker maak ons wykslede, raadslede, administrateurs en die inwoners werk saam om die mors van hulpbronne te verhoed. Ek hoop die raadslede kan die gees van samewerking vir die volgende jaar behou,” sluit Mosikare af.
