KIMBERLEY. – Die polisie se korporatiewe kommunikasie-afdeling het FiND iT se nuwe kantore by die GWK-gebou op die N12 besoek.
Brig. Mohale Ramatseba, hoof van die provinsiale korporatiewe kommunikasie-afdeling, sê hy sien uit daarna om ‘n positiewe verhouding met die FiND iT-mediahuis te bou.
“Ons wil saamwerk om Kimberley beter te maak en ons vat hande om verhoudinge te versterk,” sê Ramatseba.
Jana Grobbelaar, redakteur van FiND iT, sê dit was ‘n eer om die polisielede by hulle te ontvang.
“Ons sien die polisie as ‘n integrale deel van ons gemeenskap en werk graag saam om die werk wat die lede doen, te ondersteun.”
Grobbelaar sê FiND iT sal meer sulke inisiatiewe aanpak om lede van die gemeenskap, die polisie en ander instansies beter te leer ken.
