Lees ook: R20k beloning steeds vir vind van vermiste Nick Frischke aangebied
KAAPSTAD. – Die saak teen die verdagtes in die Nick Frischke-saak is tot 22 Januarie 2024 uitgestel.
Die vyf verdagtes het gister in die Wynberg-streekshof verskyn waar hulle amptelik aangekla is.
Hulle word ondermeer aangekla van roof, huisbraak, die onwettige besit van vuurwapens en die onwettige besit van ammunisie.
Frishcke het op 14 Februarie verdwyn na hy in Hangberg gaan stap het. Die vyf verdagtes is kort na sy verdwyning in besit van sy rugsak, beursie, ID en kredietkaart gevind.
NPA-woordvoerder Eric Ntabazalila het gesê die polisie het inligting ontvang oor ’n jong man wat lyk soos Frischke wat op Plettenbergbaai ronddwaal. Die jong man praat glo Duits en lyk verward. Ntabazalila het gesê die polisie het die inligting opgevolg, maar nog niks het daarvan gekom nie.
Bronne: EWN, TimesLIVE, The Africa
Lees ook: R20k beloning steeds vir vind van vermiste Nick Frischke aangebied
