VRYSTAAT. – Nog agt betogers, vermoedelik studente van die Universiteit van die Vrystaat, is vanoggend (Woensdag) omstreeks 07:20 in hegtenis geneem nadat hulle DF Malherbestraat, langs hek 5 van die universiteit, versper het.
Lt.kol. Thabo Covane, polisiewoordvoerder, bevestig aan Nuusflits ses mans tussen 19 en 24 en twee vroue van 19 en 20 jaar oud, is in hegtenis geneem. ’n Saak van openbare geweld is by die Parkweg-polisiekantoor geopen, met bykomende aanklagte van die oortreding van die Wysigingswet op Geregtelike Aangeleenthede en Padverkeerswet.
Die betogers sal binnekort in die Bloemfontein-landdroshof verskyn.
Video soos ontvang:
