FILIPPYNE. – ‘n Noodtoestand is in die Filippyne verklaar nadat 114 mense as gevolg van die verwoesting deur tifoon Kalmaegi omgekom het.
Lees ook: Meer as 60 dood toe tifoon ‘Tino’ die Filippyne teister
Die tifoon het hewige reëns veroorsaak wat verskeie dorpe op die eiland Cebu laat oorstroom het. Altesaam 71 mense is oorlede en meer as honderd word in Cebu vermis. Volgens verslae is die meeste sterfgevalle as gevolg van verdrinkings.
Kalmaegi het vanoggend die Filippyne verlaat. Dit word verwag dat die tifoon teen môre Viëtnam sal tref waar dit reeds reën en oorstromings aangemeld word. Thailand is ook in die pad van Kalmaegi, met plaaslike owerhede wat gewaarsku het oor flitsvloede, grondverskuiwings en riviere wat oorloop.
Bronne: BBC, Euronews, The Independent
Lees ook: Meer as 60 dood toe tifoon ‘Tino’ die Filippyne teister
