PARYS, FRANKRYK. – Novak Djokovic het gister in ‘n dramatiese eindstryd die Olimpiese mansenkelspel op Roland Garros gewen, toe hy Carlos Alcaraz met 7-6, 7-6 verslaan het. Hierdie oorwinning het ‘n spesiale betekenis vir Djokovic, aangesien hy al 24 tennisenkelspel Grand Slams gewen het in sy indrukwekkende loopbaan, maar die Olimpiese goue medalje het nog ontbreek.
Na die wedstryd het hy gesê: “Ek is nog steeds in skok, eerlikwaar. Ek het my hart, my siel, my liggaam, my gesin, my alles op die spel geplaas om die goue medalje by die Spele te wen op die ouderdom van 37. Ek het dit uiteindelik gedoen.”
Met hierdie oorwinning het Djokovic die oudste speler geword om die eindstryd vir die mansenkelspel by die Olimpiese Spele te haal, terwyl Alcaraz as die jongste die stryd betree het. Alcaraz het die afgelope tyd twee Grand Slam-titels verower, maar die Serwiese kampioen het op 37-jarige ouderdom bewys dat hy steeds ‘n krag is om mee rekening te hou. Djokovic se oorwinning by die Paryse Olimpiese Spele sal beslis as ‘n hoogtepunt in sy legendariese loopbaan beskou word.
