Die Suid-Afrikaanse Inkomstediens (SAID) gaan vanaf volgende maand nuwe belastingmaatreëls implementeer wat spesifiek op inkopies vanaf die aanlyn winkels Shein en Temu gerig is.
Die maatreëls behels dat alle aankope vanaf hierdie platforms onderhewig sal wees aan ‘n 15% BTW-heffing, asook die bestaande invoerheffing van 20%, wat by die aankope gevoeg sal word.
Hierdie belastingmaatreël is deel van ‘n breër strategie om te verseker dat alle aanlyn aankope, insluitend dié van internasionale verkopers, in lyn is met plaaslike belastingwette.
Verbruikers sal die nuwe belastingtoevoeging opmerk sodra hulle vir hul aankope betaal. Hierdie maatreël sal vanaf 1 September 2024 tydelik in werking tree.
