NIGERIЁ. – ‘n Onderwyser is gister dood en 25 meisies ontvoer in ‘n aanval op ‘n meisieskool in Nigerië.
Lees ook: Wenner van Paralimpiese goue medalje Paige Greco (28) oorlede
‘n Groep gewapende mans het gister die sekondêre skool Government Girls Comprehensive binnegeval. ‘n Skietery tussen die aanvallers en die polisiepersoneel aan diens het uitgebreek. Die aanvallers het daarna oor die skool se heining geklim en die meisies uit die koshuis ontvoer. Een onderwyser is doodgeskiet toe hy die leerlinge wou beskerm en ‘n tweede een is gewond.
Getuies het aan die BBC gesê die aanvallers is met die meisies na ‘n bosagtige gebied naby die skool. ‘n Grootskaalse soektog na die ontvoerde meisies is begin.
Oor die afgelope dekade is skole in die noorde van Nigerië gereeld deur groepe gewapende aanvallers geteiken wat ontvoerings uitvoer om ‘n losprys te eis.
Bronne: BBC, CBC, Sky News
Lees ook: Wenner van Paralimpiese goue medalje Paige Greco (28) oorlede
