Die sesde episode van Op my eish! was aksiebelaai, met konflik, katterigheid en nog ’n soen.
Chaunte het Christine voor die hele groep gekonfronteer oor haar voorspellings van die vroue wat volgende huis toe gaan. Christine hou egter vol Chaunte en Natasha het in die vorige episode gevoel hulle het nie ’n band met Brendan nie en het self gedink hulle sou hulle tasse moes pak.
Brendan erken aan die aanbieder, Jo Black, dat Katja definitief in sy top twee is. Hy bloos sommer!
Runet, Katja, Chaunte en Thelmané woon saam met Brendan ’n dansklas by. Katja is nie in haar skik daarmee dat Clarissa baie aan Brendan vat nie.
Brendan verklaar aan Runet tydens hulle eerste alleenafspraak dat hy nie wil hê sy vrou moet eendag werk nie. Hy vra haar ook weer oor haar sussie uit.
Tydens ’n visvang-ekspedisie soen Brendan vir Janae. Die twee wil mekaar beter leer ken.
Uiteindelik is dit Sonel wat haar tasse moet pak. Brendan voer aan die aantrekkingskrag tussen hulle is nie wat hy gehoop het dit gaan wees nie.
Kykers kan na ’n abseiling-debakel in die volgende episode uitsien.
Bronne: kykNET, Terloops
