Ontvang FiND iT se nuusbriewe – teken hier aan
Mxengeni Eric Lembethe (44), ‘n oud-gevangene, is op 30 Junie in Orange Farm in hegtenis geneem vir die moord op ‘n polisiebeampte.
Lembethe is glo verbind aan die moord op sers. Gift Moloi wat by die Thokoza-polisiestasie gewerk het. Moloi was op 10 Desember 2022 saam met sy vriend in sy privaat voertuig toe Lembethe en sy medepligtiges hulle glo gekaap en geskiet het. Moloi is dood en sy vriend beseer.
Lembethe is ook aan ’n ander moord in Ratanda verbind en sal vandag sy verskyning in die Heidelberg-landdroshof vir daardie saak maak.
Hy sal môre in die Palm Ridge-landdroshof verskyn vir die moord op Moloi.
Bronne: SAPS
