VRYSTAAT. – ‘n Pa kon vanoggend (Woensdag) vroeg sy seun (10) betyds in ‘n brand in ‘n schack by Naledi Square red. Sy twee ander kinders, ‘n meisie (14) en haar kleuterboetie (4), het in die brand omgekom.
Volgens sers. Mahlomola Kareli het die pa omstreeks 01:30 wakker geword van die kinders wat skree dat die schack brand. Hy het die kind die naaste aan hom gegryp en hom na veiligheid geneem. Met die vuur wat vinnig alles in sy pad verswelg het, kon die pa egter nie by sy ander twee kinders uitkom nie.
Die Sonskyn-polisiestasie het ‘n geregtelike doodsondersoek geopen om die omstandighede van die brand te ondersoek. Kareli sê die name van die oorlede kinders word teruggehou uit respek vir die familie.
