LONDEN. – Cheryl Bartley (48) staan tereg op ’n aanklag van strafbare manslag weens growwe nalatigheid ná die dood van Robert Smith (61) gedurende ’n doopseremonie in Birmingham.
Die Crown Prosecution Service sê in ‘n verklaring Bartley word vervolg in verband met haar rol as pastoor tydens die voorval waartydens Smith verdrink het. Die doop het op 8 Oktober 2023 in Sladeweg, Erdington in ‘n klein swembad in ‘n tuin plaasgevind. Smith het in die proses verdrink en is op die toneel dood verklaar.
Volgens die aanklaers is daar voldoende getuienis om die saak voor die hof te bring en is vervolging in die openbare belang. Hulle het ook beklemtoon dat die beskuldigde geregtig is op ’n regverdige verhoor en dat daar nie kommentaar gedeel moet word wat die saak kan benadeel nie.
Bartley sal na verwagting op 14 Mei in die hof voorkom.
Druk hier om die verklaring te lees.
