Herfs is die ideale tyd om bolle te plant in jou tuin. In plaas daarvan om tot die lente te wag vir kleur, hoekom nie lentebloeiers en winterjaarplante saam plant nie? Stodels beveel dié slim tuinwenk aan sodat jy nou al kleur in jou bedding kry – en ’n dubbele blomvertoning later.
Hoekom jy bolle saam met winterblomme moet plant
Wanneer jy bolle saam met winterblomme plant, maak jy die meeste van een enkele tuinbedding. Jy grawe een keer, bemes een keer, maak een spasie nat en kry ‘n pragtige tuin. Dit is ’n tyd- en ruimtebesparende manier van tuinmaak wat dubbel beloon.
Stap-vir-stap gids: Hoe om bolle saam met saailinge te plant
- Kies die regte plek
Soek ’n sonnige area met goed dreinerende grond. Maak seker dis maklik bereikbaar met ’n tuinslang, want bolle en saailinge moet gereeld natgemaak word. - Berei die grond behoorlik voor
Grawe tot ’n diepte van sowat 30 cm. Meng een sak kompos en vier handvol kunsmis vir elke 4 m² grond. Verwyder enige onkruid, klippe en gras en hark die grond gelyk. - Plant jou winterjaarplante (saailinge)
Maak die bedding en die saailingbak nat. Druk die saailinge van onder af uit die bak (moenie aan die stingels trek nie) en plant hulle op dieselfde diepte as in die bak. Groepeer die saailinge en laat genoeg spasie tussen groepe vir die bolle. - Voeg jou lente-bolle by
Plant bolle in groepe van 12–15 in die spasies tussen die saailinge. Volg die instruksies op die verpakking, of vra een van ons kenners in die winkel vir hulp oor plantdiepte en -spasiëring. - Water en voed gereeld
Maak deeglik nat tot ’n diepte van minstens 15 cm, twee keer per week met ’n fyn sproeier. Gebruik blaarvoeding elke twee weke vir die saailinge. Sodra bolle begin uitkom, gebruik elke twee weke bolvoeding.
Beste blomme en bolle vir interplanting
Winterblomme vir onmiddellike kleur:
- Alyssum
- Goudsbloem (Calendula)
- Bokbaaivygie
- Phlox
- Viooltjies (Pansies)
- Feetjieprimulas
- Dianthus
- Yslandpapawer (Iceland poppy)
- Suikertros (Candytuft)
Inheemse bolle wat maklik groei:
- Ixia
- Sparaxis
- Tritonia
- Babiana
- Freesia
- Lachenalia
Kom kuier by Stodels vir bolle, saailinge en raad
Gereed om jou tuin in die herfs te transformeer? Besoek jou naaste Stodels tak of besoek hulle aanlyn om alles te kry wat jy nodig het om maklik bolle saam met saailinge te plant. Die Stodels span staan gereed met raad oor wat om te plant, wanneer om te water en hoe om jou tuin te voed vir ’n pragtige winter én lente.
Besoek Stodels se naaste kwekery – klik hier vir die kwekerye in Kaapstad.
*Advertensie
