NOORD-KAAP. – ‘n Man (23) is Sondagoggend buite Galeshewe-daghospitaal in Kimberley aangerand en verskeie kere met ‘n skerp voorwerp gesteek.
Lt.kol. Sergio Kock sê die insident het omstreeks 08:15 plaasgevind en een (25) van drie verdagtes is enkele ure later in Galeshewe gearresteer. Twee verdagtes is nog op vrye voet. Die slagoffer is in die hospitaal opgeneem.
Die verdagte sal binnekort op ‘n aanklag van poging tot moord in die hof verskyn.
Enigiemand met relevante inligting word gevra om adjudant-offisier Marshall Neels by 079 803 2599 te kontak.
