MPUMALANGA. – Twee mans is Dinsdag dood naby die Lily-myn in Low’s Creek aangetref, nadat die polisie inligting ontvang het oor twee mans wat vermoedelik dood is.
Luidens ‘n verklaring deur polisiewoordvoerder, lt.kol. Jabu Ndubane, het die polisie en nooddienste saam by die toneel opgedaag waar die liggame van twee mans onder komberse aangetref is. Albei is op die toneel dood verklaar. Een van die oorledenes is deur ’n familielid geïdentifiseer as sy broer, wat oorspronklik van die Koninkryk van Eswatini is, terwyl die familie van die tweede oorledene steeds opgespoor moet word
Die polisie doen ’n beroep op enigiemand met inligting oor die voorval, of wat die familie van die onbekende oorledene kan help opspoor, om na vore te kom.
