VK. – Volgens die Metropolitan-polisie stel hulle ondersoek in na bewerings in mediaberigte dat prins Andrew deur sy staatsbefondste lyfwag persoonlike inligting oor sy beskuldiger, Virginia Giuffre, sou probeer kry.
Lees ook: Prins Andrew het glo in e-pos aan Jeffrey Epstein gesê: ‘Ons sal binnekort weer saam speel’
Die polisie het gesê: “Ons is bewus van die mediaberigte en is aktief besig om die bewerings te ondersoek”.
Luidens ‘n berig in The Mail on Sunday het prins Andrew sy polisiebeskermingsbeampte gevra om Giuffre te ondersoek voordat die foto van hulle eerste ontmoeting in Februarie 2011 geplaas is.
Die berig beweer hy het vir die beampte haar geboortedatum en vertroulike maatskaplike sekuriteitsnommer gegee. Die Sunday Telegraph het ook beweer prins Andrew “wou geheime opgrou” oor Giuffre.
Prins Andrew het Vrydag sy titels en lidmaatskap van die Orde van die Kousband (Most Noble Order of the Garter) opgegee. Hy sal ook nie meer die titel Hertog van York gebruik nie.
Dit volg nadat ‘n e-pos waarin hy glo vir Jeffrey Epstein gesê het “ons sal binnekort weer saam speel” gelek is en ‘n uittreksel van Virginia Giuffre se memoir gedeel is.
Bronne: BBC, NBC News, Daily Record
Lees ook: Memoir van Virginia Giuffre beskuldig prins Andrew van seksuele misdrywe
