Lees ook: Perlemoen gekonfiskeer, buitelanders in hegtenis
TZANEEN. – Die polisie is besig om ’n saak van poging tot moord en roof met ’n vuurwapen op ’n plaas in Tzaneen te ondersoek.
’n Onbekende man het glo Donderdag met ’n vuurwapen uit die bosse gekom toe die slagoffer en sy vriend op die plaas rondgeloop het.
Die verdagte het hulle selfone geëis en gesê hulle moet dit op die grond neersit. Een van die slagoffers het met hom baklei vir die wapen toe ’n skoot afgegaan het.
Die slagoffers het gevlug en die een het besef hy is in die linkerbeen geskiet. Hulle is na ‘n hospitaal en het die saak by die polisie aangemeld.
Die polisie-ondersoek duur voort.
Bronne: SAPD
