MPUMALANGA. – Die polisie, saam met ander wetstoepassingsowerhede en plaaslike boere, het Vrydag ’n groot daggaveld naby die Buffelspruit-plase buite Malelane in Nkomazi ontdek. Die veld met volwasse daggaplante se straatwaarde is na raming R2.9 miljoen.
Luidens ‘n verklaring van polisiewoordvoerder, brig. Donald Mdhluli, is die ontdekking ’n belangrike sukses in die stryd teen dwelmhandel.
Diegene agter die grootskaalse verbouing is tans nog onbekend. ’n Ondersoek is onmiddellik ingestel om die verantwoordelikes op te spoor en die polisie versoek die publiek om met enige relevante inligting vorendag te kom.
Die daggaplante is tydens die operasie uitgeroei en vernietig.
Kry jou nuutste nuus elke oggend per e-pos. Teken hier aan:
