WES-KAAP. ’n Polisiekolonel wat aan die Wes-Kaap se beskerming en veiligheidsdienste verbonde is, is deur Opod op aanklagte van seksuele aanranding en verkragting in hegtenis geneem. Die slagoffer is ‘n kollega van die aangeklaagde.
Lizzy Suping, Opod-woordvoerder, sê die inhegtenisneming het Dinsdagaand plaasgevind. Daar word beweer dat die kolonel in Mei 2025 ’n vroulike kollega, wat onder sy bevel gewerk het, seksueel aangerand en verkrag het. Die verdagte, wat by Wynberg-polisiekantoor aangehou is, sal na verwagting vandag in die plaaslike landdroshof voorkom.
Die ondersoek na die voorval is steeds aan die gang.
