WES-KAAP. – ’n Beloning van R10 000 word aangebied vir enige inligting wat kan help om die persoon of persone op te spoor wat vir die hond Grace se dood verantwoordelik was.
Die Cape of Good Hope-DBV sê Grace is in ’n kanaal in Brown’s Farm, Philippi gevind met draad styf om haar nek. Dit dui daarop dat sy doelbewus en met opset beseer is en die saak word as ’n ernstige misdaad ondersoek. Die pitbull-tipe hond met ’n wit gesig en bruin vlekke het onlangs kleintjies gehad. Daar word vermoed dat sy aan iemand behoort het en dat iemand moontlik weet wat met haar gebeur het.
Die publiek word versoek om enige inligting, hoe gering ook al, aan te meld. Die beloning sal uitbetaal word sodra ’n verdagte in hegtenis geneem word. Inligting kan anoniem deurgegee word en vertroulik hanteer word.
📞 021 700 4158 / 4159 (24 uur)
💬 WhatsApp: 021 700 4140
📧 inspectorate@spca-ct.co.za
