KWAZULU-NATAL. – Juweliersware van sowat R3 miljoen is teruggevind wat Sondag tydens ‘n gewapende roof by ‘n juwelierswinkel in ‘n winkelsentrum in Umhlanga in Umlazi vasgelê is. Vyf mans, tussen 20 en 44 jaar oud, is vanoggend (Maandag) in verband met die roof in hegtenis geneem.
Lt.kol. Paul Magwaza sê die polisie het tydens die ondersoek inligting ontvang dat die verdagtes probeer het om die gesteelde items te verkoop. Lede van die provinsiale moord-en-roofeenheid het vinnig die inligting saam met die eThekwini-distriktaakspan opgevolg, waarna die verdagtes in Umlazi aangekeer is. Tydens die operasie is juweliersware teruggevind, asook klere, bankkaarte en mobiele roeteerders (routers) wat vermoedelik met die misdaad verbind word.
Die verdagtes staan tereg op aanklagte van sakeroof en poging tot moord en sal na verwagting Woensdag in die Durban-landdroshof verskyn. Die ondersoek duur voort.
