MPUMALANGA. – ‘n Roofverdagte, wat glo die bestuurder van ‘n vragmotor op die R40 by die De Rust-kruising sy slagoffer wou maak, is in sy spore gestuit toe hy vermoedelik na sy dood geval het.
‘n Vragmotorbestuurder het Vrydagaand net voor 20:00 sy snelheid vir die verdagte op die ryvlak verminder. Die passasiersruit het gebreek, waarna die verdagte, met ‘n byl gewapen, geld en ‘n selfoon geëis het terwyl hy aan die kantspieël vasgehou het. Die bestuurder het volgens berigte snelheid vermeerder terwyl hy heen en weer oor die pad geswenk het en nie meer die verdagte kon sien nie. Hy het die vragmotor later veilig omgedraai en teruggekeer na waar hy die man se liggaam op die teeroppervlak met die byl langs hom aangetref het.
Die vragmotorbestuurder het owerhede ontbied en die vermeende verdagte is dood verklaar.
Brig. Donald Mdhluli sê die insdident word deur die polisie ondersoek.
Bronne: Laevelder, SA Trucker, Rekord, Citizen
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
