JOHANNESBURG. – Die Suid-Afrikaner wat uit Australië gedeporteer is, het gistermiddag saam met sy vrou en baba in Suid-Afrika aangekom.
Lees ook: SA’ner aangehou wat neo-Nazi-byeenkoms in Australië bywoon
Matthew Gruter se werksvisum is gekanselleer nadat hy in November aan ‘n anti-Joodse betoging in Sydney, Australië, deelgeneem het waar “eer en bloed” geskree is.
Gruter het die media daarvan beskuldig dat hulle sy lewe en sy familie se lewens in gevaar stel toe hulle hom ondervra het nadat hulle by OR Tambo geland het. Hy het gesê: “Probeer julle kry dat ons aangeval en vermoor word in Suid-Afrika? Is dit wat julle probeer doen, ons ‘n etiket gee?”.
Gruter het gekla dat hy uit Australië geskop is vir “net staan” terwyl moordenaars en verkragters kan bly.
Die Australiese minister van binnelandse sake, Tony Burke, het op 17 November bevestig Gruter se visum is gekanselleer oor die betoging en dat “as jy met ‘n visum hier is, is jy ‘n gas in Australië. As iemand opdaag met die doel om mense te mishandel en die plek te beskadig, kan jy hulle vra om te loop”.
Bronne: IOL, The Australian, SA People
Lees ook: SA’ner aangehou wat neo-Nazi-byeenkoms in Australië bywoon
