Lees ook: Senzo Meyiwa-saak tot Oktober uitgestel
PRETORIA. – Die Senzo Meyiwa-moordsaak gaan vandag voort in die Pretoria-hooggeregshof na dit in September uitgestel is.
Die saak is uitgestel na 700 foto’s van beskuldigde nommer 3, Mthobisi Mncube, se selfoon afgelaai is. Die verdediging het gevra vir tyd om met hulle kliënte en kenners oor die foto’s te beraadslaag.
Die polisiebeampte wat getuig het hy het die vyf verdagtes gesien die dag wat Senzo Meyiwa dood is, is tans onder kruisverhoor.
Konst. Sizwe Zungu het gesê die verdagtes het Meyiwa se dood gevier en hulle het glo geweet hy is dood voor die nuus bekend gemaak is.
Senzo Meyiwa is in 2014 in Vosloorus doodgeskiet in ’n beweerde roof by sy meisie, Kelly Khumalo, se huis.
Bronne: SABC, EWN, SowetanLIVE
Lees ook: Senzo Meyiwa-saak tot Oktober uitgestel
