KIMBERLEY. – Die historiese standbeeld van Cecil John Rhodes te perd, geleë op Du Toitspanweg in Kimberley, word tans na bewering gevandaliseer.
Die standbeeld, wat sedert 1907 ’n bekende baken is, is met ’n wit mantel bedek en word rooi geverf, wat groot ontsteltenis by inwoners veroorsaak het.
Die standbeeld herdenk Rhodes se invloed in die diamantbedryf en sy rol in Suid-Afrika se geskiedenis, maar dit is ook al lank ’n bron van debat. Vir sommige is dit ’n waardevolle deel van ons erfenis, terwyl ander dit sien as ’n pynlike herinnering aan kolonialisme.
Plaaslike inwoners het hulle frustrasie uitgespreek – sommige veroordeel die aksie as ’n gebrek aan respek vir geskiedenis, terwyl ander dit beskou as ’n sterk politieke stelling teenoor ’n moeilike verlede.
Nuusflits het die Sol Plaatje Munisipaliteit gekontak vir kommentaar oor die voorval en om te hoor watter stappe verder geneem sal word.
Wat is jou mening? Moet hierdie standbeelde bewaar word as deel van ons geskiedenis, of is dit simbole wat herwaardeer moet word in ’n demokratiese Suid-Afrika?
#Nuusflits #Kimberley #CecilJohnRhodes #Erfenis #StandbeeldVandalisme #SuidAfrika
