ITALIë. – Munisipale owerhede en museums is genoop om strenger boetes, beter toesig en beperkings op besoekers in te stel omdat beskadiging van eeue-oue standbeelde en artefakte al meer voorkom deur toeriste met ‘n kamera in die hand.
Verlede maand het ’n 28-jarige vrouetoeris die 16de-eeuse monument, op die Standbeeld van Neptunus, geklim as deel van ’n “voortroue-uitdaging” tydens ‘n hennepartytjie, wat €5 000 se skade aan die marmerperde en fries veroorsaak het. Dit volg ná ’n voorval in September 2023 toe ’n 22-jarige Duitse toeris dieselfde standbeeld uitgeklim het vir ’n foto. Hy het ’n stuk marmer van die strydwa afgebreek en ’n perd se hoef beskadig, wat nóg €5 000 se herstelwerk vereis het.
“Die jong vrou is by die Regterlike Owerheid aangemeld vir die beskadiging van ’n artistieke en argitektoniese erfenis,” het die Stad gesê. Die owerheid het bygevoeg dat die vrou “as onskuldig beskou moet word totdat ’n finale uitspraak deur die Regterlike Owerheid gelewer is.”
Toeriste wat selfies probeer neem, het al ernstige en duur skade aan historiese standbeelde en kunswerke regoor Europa veroorsaak. Aangevuur deur sosialemediatendense en aanlyn “uitdagings”, het verskeie hoëprofielvoorvalle munisipale owerhede en museums genoop om strenger boetes, beter toesig en beperkings op besoekers in te stel.
Bron: NewsFlorence (Instagram), People.com
