Ontvang FiND iT se nuusbriewe – teken hier aan
Die Munster-rugbyafrigter Greig Oliver (58) is identifiseer as die toeris wat Maandag in die fratsongeluk tussen twee valskermsweeftuie in Seepunt gesterf het.
Oliver is oorlede na sy tuig met ‘n ander valskermsweeftuig in die lug gebots het en hy op die rotse geland het. Hy is op die toneel dood verklaar. Die polisie is besig om die voorval te ondersoek. ‘n Nadoodse ondersoek sal op Oliver se liggaam uitgevoer word.
Oliver se dood het die rugbygemeenskap geskok en WorldRugby het hulle hartseer oor sy dood uitgespreek.
Oliver het Skotland in die 1987-rugbywêreldtoernooi verteenwoordig en toe tussen 2011 en 2014 as ‘n afrigter vir die Ierland U20-span begin werk. Hy het onlangs by Munster begin werk.
Bronne: 2 Oceans Vibe, News24, The Citizen
Lees ook: Ierse toeris sterf na valskermsweeftuie in Seepunt bots
