LEES OOK: Kolisi bedank Suid-Afrika vir passievolle ondersteuning
Trevor Noah is geprys vir sy goedvoel uitnodiging aan toeriste om Suid-Afrika te besoek in ‘n advertensie met vermoedelik ‘n groot begroting, wat die naweek die rondte op sosiale media gedoen het. Volgens die Toerismesakeraad van Suid-Afrika (TBCSA), wat die advertensie geborg het, is die bedrag wat die SA-gebore komediant betaal is, nooit bevestig nie. Dit volg ten spyte daarvan dat die parlement se portefeuljekomitee oor toerisme in September beweer het dat dit ongeveer R33 miljoen gekos het.
Tshifhiwa Tshivhenga, die uitvoerende hoof van die TBCSA, het geweier om bekend te maak hoeveel die komediant vir die advertensie van vyf minute lank betaal is.
Die advertensie is Donderdag aanlyn vrygestel. Dit is deur die publiek geprys en word beskryf as ‘n “snaakse, insiggewende en prikkelende advertensie.” In September het die advertensie egter woede in die land ontketen toe daar berig is dat Noah tot R33 miljoen van belastingbetalers se geld betaal sal word vir die vyf minuut advertensie. Patricia de Lille, minister van toerisme, het egter enige regeringsbetrokkenheid ontken en gesê die rekening sal deur TBCSA betaal word.
Tshivhenga het gesê: “Ons het nog nooit uitgekom en gesê ons betaal hom R33 miljoen nie. Dit was verslae wat van die parlement se portefeuljekomitee gekom het, wat in die posisie behoort te wees om daardie spesifieke vrae te beantwoord. Ons het hierdie ooreenkoms met Trevor Noah aangegaan. Hy is die talent hiervoor, hy het ‘n fooi en ‘n baie klein bedrag van ‘n fooi gekry om dit te doen. Trevor Noah was beslis nie R33 miljoen betaal nie, dis ’n mite. Ons het ‘n ooreenkoms wat baie eenvoudig is – hy is ‘n bekende handelsmerk in die wêreld, en sy fooie was eintlik ‘n geskenk aan ons van hom om in te stem om die advertensie te doen,” het Tshivhenga verduidelik.
Hier is ‘n deel van die advertensie wat ter sprake is:
#Toerisme #Betaling #TrevorNoah #Advertensie #Afrikaans #Nuus
Bronne gebruik: SABC Nuus; IOL; The South African.
