VSA. – Donald Trump het ‘n bevel geteken om skole en atletiekorganisasies te dwing om transgendervroue en -meisies van deelname aan vrouesport uit te sluit.
Lees ook: Krisis spesialis dagvaar Blake Lively vir laster
Die bevel, wat transgendervrouens klassifiseer as mans, doen Trump se belofte gestand om die “onregverdige, gevaarlike deelname van mans in vrouesport te beëindig”.
Federale agentskappe gaan “onmiddellike aksie” neem teen skole en organisasies wat “vrouens ontneem van enkelgeslag sport en enkelgeslag aantrekkamers”.
Trump is ook van plan om befondsing op te skort vir skole waar transgendermeisies aan vrouesport deelneem en om die Olimpiese komitee te druk om transgenderatlete wêreldwyd van vrouesport te verban. Hy dreig ook om visums te weier vir transgenderatlete wat in die volgende Olimpiese Spele in 2028 in Los Angeles wil deelneem.
Bronne: The Independent, NBC News, Sky News
