VSA. – Die Amerikaanse president, Donald Trump, het gister aangekondig hy het die Epstein Files Transparency Act geteken.
Lees ook: Huis van verteenwoordigers keur Epstein-wetsontwerp goed
Die wet sal die justisiedepartement dwing om die dossier oor die ondersoek na die veroordeelde seksoortreder Jeffrey Epstein binne 30 dae vry te stel.
Trump het gesê: “Miskien sal die waarheid oor hierdie Demokrate en hulle assossiasies met Jeffrey Epstein binnekort bekend gemaak word, want EK HET SO PAS DIE WET GETEKEN OM DIE EPSTEIN-DOKUMENTE VRY TE STEL”.
Pam Bondi, die prokureur-generaal, sal 30 dae hê om die dokumente vry te stel, maar die wet bepaal dokumente kan teruggehou word as dit ‘n slagoffer se identiteit bekend maak of deel is van ‘n aktiewe ondersoek.
Bronne: BBC, The Star, NBC News
Lees ook: Huis van verteenwoordigers keur Epstein-wetsontwerp goed
