TEXAS, VSA. – Die Amerikaanse president, Donald Trump, het die onthoofding van ‘n hotelbestuurder, oorspronklik van Indië, veroordeel en geregtigheid beloof. Trump het gesê die verdagte, ‘n onwettige Kubaanse immigrant, sal deur die “volle omvang” van die gereg verhoor word.
Lees ook: Sowat 32 mense dood in Israeliese aanvalle op Gasastad
Chandra Mouli Nagamallaiah (50) is Woensdag tydens ‘n argument met sy kollega oor ‘n stukkende wasmasjien voor sy vrou en kind onthoof. Die kollega, Yordanis Cobos-Martinez (37), is in hegtenis geneem en aangekla van moord.
Trump het op sosiale media gesê Cobos-Martinez is voorheen aangehou vir ander misdrywe, insluitend seksuele mishandeling van kinders, vals aanhouding en diefstal van ‘n voertuig, maar “Kuba wou hom nie aanvaar nie oor sy kriminele geskiedenis”.
Tricia McLaughlin, assistent-sekretaris van binnelandse veiligheid, het gesê Cobos-Martinez het tydens die argument Nagamallaiah se kop afgekap en “dit op die grond geskop”.
Bronne: The Independent, USA Today, BBC
Lees ook: Sowat 32 mense dood in Israeliese aanvalle op Gasastad
