Lees ook: Vermeende mensehandelaar borg geweier in Kimberley
KIMBERLEY. – Twee mans is in die Galeshewe-streekshof op aanklagtes van aanranding en verkragting skuldig bevind.
Sinethemba Sisilana (29) is op aanklagtes van aanranding met die doel om ernstig te beseer en poging tot verkragting skuldig bevind.
Mawande Jongile (23) is skuldig bevind op aanklagtes van aanranding met die doel om ernstig te beseer.
‘n Vrou (22) en haar broer (35) het op 17 Oktober 202 huis toe geloop in Phomolong, Kimberley, toe hulle deur die mans voorgekeer is.
Hulle het die broer aangeval tot hy bewusteloos was. Sisilana het die suster probeer verkrag, maar sy kon vlug. Die twee is ure later in hegtenis geneem.
Sisilana is tot drie jaar tronkstraf gevonnis vir die aanranding en vyf jaar vir die gepoogde verkragting. Jongile is tot drie jaar tronkstraf vir die aanranding gevonnis.
Bronne: SAPS
Lees ook: Vermeende mensehandelaar borg geweier in Kimberley
