VAKANTE POS: Verpakkingsmateriaal Hoof

Kandidate met die volgende ondervinding/vaardighede sal voorkeur geniet:

Wildeklawer, een van die groot besproeiingsboerderye in SA, verbou en verpak aartappels, uie, wortels en beet volgens internasionale standaarde met tegnologies gevorderde toerusting en fasiliteite, vir die plaaslike en uitvoermark. Wildeklawer is ‘n groen oase met sy hoofkantoor digby Kimberley, met vrugbare hoë potensiaal grond langs beide die Vaal- en Oranjerivier, onder spilpuntbesproeiing.

Wildeklawer bied langtermyn-loopbaangeleenthede aan eerlike, dinamiese en hardwerkende persone met inisiatief en dryfkrag om in te pas by die reeds uitgesoekte bestuurspan wat die leuse “Kwaliteit is ons prioriteit” uitleef. 

Die pos sal in kort die volgende behels:

  • Verantwoordelikheid neem oor alle pakhuis verpakkingsmateriaal;
  • Prosesse en prosedures van beheer, ontvangs en uitreikings van voorraad bestuur;
  • Tydelike en akkurate verslaggewing van voorraad;
  • Operasioneel handel en afdeling strategies bestuur;
  • Sterk bande met verskaffers vorm en onderhou;
  • Kostebestuur;
  • Personeelbestuur.

Kandidate met die volgende ondervinding/vaardighede sal voorkeur geniet:

  • Graad in rekeningkunde;
  • Goeie rekenaarvaardighede – gevorderde Excel;
  • Afrikaans en Engels magtig (skryf, lees en praat);
  • Goeie interpersoonlike vaardighede;
  • Goeie konflikhantering;
  • Goeie onderhandeling-vaardighede;
  • Operasioneel kan handel.

Vergoeding:  ‘n Mededingende vergoedingspakket, gemeet aan kwalifikasies en ondervinding en gerugsteun deur aantreklike byvoordele.

Stuur CV aan e-pos:  hr@wildeklawer.com

Navrae: Theresa Lategan – 053 531 9725

Sluitingsdatum:  16 Februarie 2024

Indien u nie binne dertig dae na die sluitingsdatum van ons verneem het nie, moet u aanvaar dat u aansoek nie suksesvol was nie.

*ADVERTENSIE

Mangaung-munisipaliteit veroordeel ‘onwettige grondvergrype’ buite Bloemfontein

Drie kinders beseer toe taxi kitskoswinkel inploeg

Twee sterf in ‘n ongeluk op N3

Soektog na Joslin nóóit gestaak, polisieminister sal Saldanhabaai besoek