LILLYDALE, CALCUTTA. – ’n Verdagte (25) is gister hier vir die moord op ’n polisiekonstabel in hegtenis geneem.
Lees ook: Drie reddingswerkers dood ná Russiese aanval op Oekraïne
Die konstabel, konst. Khulani Chabangu, is tydens ’n sakeroof by ’n plaaslike salon doodgeskiet. Luidens ‘n polisieverklaring is Chabangu se klere en voertuig gesteel voor hy in sy bolyf geskiet is.
Die Valke se georganiseerde eenheid vir misdrywe in Nelspruit het, saam met die Calcutta polisie en die nasionale misdaad intelligensie-span, inligting oor die verdagte ontvang. Hy is in hegtenis geneem met ’n selfoon in sy besit wat glo tydens die roof by die salon gesteel is.
Die taakspan het na die huis van die verdagte se vriend gegaan, maar hy het gevlug. Die polisie sê hulle het die vriend se huis deursoek en ’n handgeweer sonder die reeksnommer en ammunisie gevind.
Bronne: SAPD
Lees ook: Drie reddingswerkers dood ná Russiese aanval op Oekraïne
