Lees ook: Man verantwoordelik vir Olimpiese atleet Rebecca Cheptegei se dood, sterf
Rebecca Cheptegei, die Olimpiese atleet wat gesterf het nadat haar voormalige kêrel haar aan die brand gesteek het, word vandag in Uganda in ‘n staatsbegrafnis begrawe.
Cheptegei is oorlede nadat haar voormalige kêrel, Dickson Ndiema, haar met petrol gegooi en aan die brand gesteek het in die teenwoordigheid van haar kinders. Die aanval het plaasgevind toe sy in Kenia van die kerk af teruggekeer het.
Cheptegei het in Augustus aan die Parys Olimpiese Spele aan die marathon deelgeneem en die 44ste plek behaal.
Sy is die derde vroulike atleet wat onlangs in Kenia vermoor is. In 2021 is Agnes Tirop doodgesteek en ses maande later is Damaris Mutua verwurg.
Bronne: BBC, Malay Mail, The Straits Times
Lees ook: Man verantwoordelik vir Olimpiese atleet Rebecca Cheptegei se dood, sterf
