GAUTENG. – Die liggaam van ’n ongeïntifiseerde vrou is op 2 Mei kort ná 19:00 deur ‘n hawelose man in ‘n plas bloed aangetref. Hy het die polisie ontbied. Die vrou het in ’n oop veld op die hoek van Charl Cilliersstraat in Mountain View in die Hercules-polisiëringsgebied gelê.
Die polisie se woordvoerder in die Tshwane-distrik, kapt. Johan van Dyk, sê die vrou is met steekwonde aan die nek en wang aangetref. Volgens die polisie het sy ’n swart leerbaadjie aangehad, terwyl die klere aan haar onderlyf geskeur was. Paramedici het haar op die toneel dood verklaar.
Die polisie doen ’n beroep op die publiek om enige inligting te rapporteer wat met die ondersoek kan help.
