WES-KAAP. – ’n 22-jarige vrou is in Khayelitsha in hegtenis geneem nadat R250 000 se gesteelde goedere van ‘n afleweringsvoertuig teruggevind is.
Die polisie sê hulle is Dinsdag kort voor 13:00 ontbied toe ‘n afleweringsvoertuig in die Makhaza-gebied gekaap is. Beamptes van die teen-kapingseenheid het die voertuig later in Nxarunistraat in J-Sekie opgespoor, waar die bestuurder en ’n passasier gevind is. Hulle het aan die polisie gesê dat die verdagtes die pakkies in ’n ander voertuig gelaai en op die vlug geslaan het.
Die polisie het tydens die ondersoek op ‘n huis in Mcewulastraat toegeslaan, waar al die gesteelde goedere tydens deursoeking gevind is. Die vrou is op aanklag vir die besit van gesteelde eiendom in hegtenis geneem.
Sy sal binnekort op aanklagte van ‘n Lingelethu West-saak in die Khayelitsha-landdroshof verskyn.
