Lees ook: Thabo Bester eise deur regter afgekeer
PARYS, FRANKRYK. – ‘n Italiaanse bokser moes onttrek van ‘n geveg teen ‘n vrou wat voorheen ‘n geslagstoets gedop het.
Angela Carini het haar geveg teen die Algeryn Imane Khelif na 46 sekondes gestop. Carini het op haar knieë geval tydens die geveg en gesê: “Die is nie regverdig nie”. Sy het van die geveg onttrek na sy twee keer in die gesig geslaan is. Een van die houe het haar gedwing om haar hoofbedekking reg te trek.
Khelif en nog ‘n bokser, Lin Yu-ting van Taiwan, was voorheen verbied van Olimpiese deelname na DNS-toetse bewys het hulle het XY-kromosome.
Hulle is deur die Internasionale Olimpiese Komitee toegelaat om deel te neem omdat hulle “vrouens is volgens hulle paspoorte” en die komitee se toetse geslaag het.
Bronne: Briefly, Newsweek, Seattle Times
Lees ook: Thabo Bester eise deur regter afgekeer
