BALTIMORE. – Die twee otters by die nasionale akwarium in Baltimore het hulle vandeesweek gate uit geniet te danke aan die ongewone sneeuval wat Amerika hierdie winter beleef.
Volgens AP News het veiligheidskameras die pret vasgevang van die otters wat in die sneeu rol, gly en rondhardloop. Terwyl ‘n nor’easter groot dele van die noordooste van die VSA getref en ontwrigting veroorsaak het, het die otters hulle sneeubedekte dek terdeë geniet.
“Marylanders was dalk bekommerd oor die sneeu, maar die otters wat ons Harbor Wetland-uitstalling besoek, was beslis nie!” het ‘n akwariumbeampte in ’n Facebook-plasing geskryf.
Otters kom algemeen voor in Maryland se riviere, vleilande en getygebiede.
Bronne: AP News, ABC News, Instagram @nationalaquarium, Facebook
