INTERNASIONAAL. – Die administrasie van die Amerikaanse president, Donald Trump, het gister ontken dat die VSA die boikot van die G20-beraad hierdie naweek beëindig en het gesê geen Amerikaanse beampte gaan aan die samesprekings deelneem nie.
Lees ook: Cyril Ramaphosa verklaar geslagsgeweld en vrouemoord ‘n nasionale krisis
Volgens die Withuis sal die Amerikaanse verteenwoordiger slegs die beraad bywoon vir die seremoniële oorhandigingseremonie van die G20-presidentskap aan die VSA wat volgende jaar die gasheer van die beraad gaan wees.
Die Withuis se stelling volg nadat president Cyril Ramaphosa gister beweer het die VSA het ‘n “verandering van plan gehad om deel te neem aan die beraad op een of ander manier” en dat dit ‘n “positiewe teken is”.
Die Withuis se perssekretares, Karoline Leavitt, het aan die media gesê: “Die VSA gaan nie deelneem aan amptelike samesprekings by die G20 in Suid-Afrika nie. Ek het gesien die Suid-Afrikaanse president praat vroeër vandag bietjie teen die VSA en daardie taal word nie waardeer deur die president of sy span nie”.
Bronne: IOL, Polity, EWN
Lees ook: Cyril Ramaphosa verklaar geslagsgeweld en vrouemoord ‘n nasionale krisis
