VSA. – Die Amerikaanse minister van buitelandse sake, Marco Rubio, het aangekondig enige buitelanders wat die moord op Charlie Kirk vier, sal gedeporteer word.
Lees ook: Charlie Kirk-moordverdagte ‘werk nie saam met owerhede’ sê goewerneur
Rubio het gister gesê visums van buitelanders wat die moord op Kirk gevier het, word gekanselleer.
Hy het gesê die VSA sal nie sulke mense toelaat om in die land te bly nie. Rubio het aan Fox News gesê: “Ons moenie visums gee aan mense wat na die VSA gaan kom en dinge doen soos die moord op ‘n politieke figuur vier nie. En as hulle klaar hier is, moet ons hulle visums kanselleer”.
Hy het gesê: “Amerika gaan nie buitelanders aanvaar wat die dood van ons burgers vier nie. VIsums word gekanselleer. As jy hier is op ‘n visum en jy juig vir die openbare sluipmoord op ‘n politieke figuur, maak gereed om gedeporteer te word. Jy is nie welkom in hierdie land nie”.
Bronne: SABC, The Economic Times, Newsweek
Lees ook: Charlie Kirk-moordverdagte ‘werk nie saam met owerhede’ sê goewerneur
